أماكن ألعاب تنمية المهارات التي تعاملت معها

السلام عليكم و رحمة الله و بركاته

ناس كتير سالتني عن الأماكن الى باجيب منها الألعاب  و الادوات الي باستخدمها في الأنشطة

فالنهاردة هكلمكم عن اماكن بيع العاب تنمية المهارات و الادوات الفنية التى تعاملت معاهم 

طبعا في اماكن كتير جدا سواء محلات أو شركات او اماكن بتبيع اونلاين بس انا هكتب هنا من خلال تجربتي فقط

جروب لعب عيال

https://m.facebook.com/%D9%84%D8%B9%D8%A8-%D8%B9%D9%8A%D8%A7%D9%84-

1376000855995223/

جروب على الفيس و ليهم صفحة بنفس الاسم

اول مكان اتعاملت معاه

حاجاتهم زي ما هم حاطين الصور بالظبط و اسعارهم معقولة و عندهم التزام بالمواعيد

كان اول مكان اتعامل معاه و جبت منهم كتب فوم و ورق مقوى و العاب خشبية

عرفت كمان انهم فتحوا فرع في مدينة نصر

الصفوة لتنمية المهارات

https://m.facebook.com/alsafwaa/

اتعاملت معاهم من خلال معرض الكتاب لأن مكانهم الاصلي بعيد عليا

عندهم تشكيلة كبيرة من الألعاب و الكتب و كمان الادوات الفنية زي ورق الفوم و قماش الجوخ 

غير ان عندهم ادوات منتسوري الاصلية زي البرج الوردي و السلم البني

اسعارهم كويسة بردو

كاميرا 9

https://m.facebook.com/Camera.09/

ده احسن مكان شفته من حيث الأسعار و التنوع

مكانهم في الدقي قصاد كلية تربية نوعية

عندهم تشكيلة  كبيرة من الالعاب التعليمية و الادوات الفنية و اثاث الاطفال زي الترابيزات و الكراسي الخشب

عندهم كروت و كتب مناسبة لجميع الاعمار

مجسمات للحيوانات و الطيور و الفواكه و الخضروات

اديو فن

https://m.facebook.com/EduFunWorld/

اتعاملت مع فرع اكتوبر

اختلافهم عن باقي الأماكن ان ليهم مصنع و الأدوات و الالعاب الخشبية بتاعتهم مميزة و جودتها عالية

بس طبعا اسعارهم شوية غالية عن باقي الأماكن

اوقات كتير بيعملوا خصم 50 % و الأسعار ساعتها بتبقى معقولة

مكتبات سمير و علي

https://m.facebook.com/SamirAlyStationeryHousesCo/

اتعاملت مع فرع اكتوبر و هو يعتبر فرع كبير

عندهم بازل و كتب فوم و ورق مقوى

ألوان و صلصال و جوخ و فوم و عصي الاعمال الفنية و كرات البوم بومز

• غرد
• شاركه
• شاركه
• شاركه
• شاركه

نورا نبيل

زوجة وأم وصيدلانية مهتمه بالتربيةوالتعليم بنظام منتسوري .. ، ، ،