#المشكلة_فينا_مش_فيهم
العند ...رابع مشكلة بنواجهها مع الاطفال بعد السنة الأولى من عمرهم
في الغالب بتبدأ في عمر سنتين بس في اطفال بتبدأ بدري شوية ..من بعد ما يتموا السنة
كل حاجة بنقولهالهم بيرفضوها
يلا ناكل ..لا
تعالى اغيرلك ..لا
متمسكش الحاجة دي...لا
سواء لا اتقالت بالكلام..او بالاشارة ..او ان الطفل ينفذ الي في دماغه
رد الفعل من كتير من الناس بيكون كالآتي :
ده فاهم كل حاجة بس بيستعبط
لازم ازعقله علشان يتعلم يسمع الكلام
و في ناس بتوصل انها تضرب اطفال عمرها سنة و سنتين علشان مبيسمعوش الكلام
و نفضل في نفس الحلقة المفرغة من الزعيق و العند و الضرب و هكذا
بداية لازم نفهم ليه احنا بنفتكر الطفل بيعند ؟
أول حاجة هو الطفل مش بيعند ولا حاجة ..هو بس بيسعى للحصول على استقلاله
الطفل بدأ يحس انه انسان مكتمل له اراده و له شخصية...يبقى لازم يحقق الحاجة الي هو عاوزها و محدش يفرض سيطرته عليه
في كتاب ماريا منتسوري العقل المستوعب ذكرت إن أول مستوى من مستويات الطاعة للطفل هو الاستقلال!
بشكل مبسط الطاعة دي قرار الانسان بياخده...يعني انا هاقرر اني اسمع كلام فلان او اقرر اني مسمعش كلامه
و علشان يكون ليا حق اخذ القرار يبقى أنا انسانة مستقلة
نفس الكلام بالنسبة للطفل...لازم الاول يمر بمرحلة الاستقلال علشان يوصل لمرحلة الطاعة
لو انا ساعدت الطفل يكون مستقل و يحقق ارادته..هو من نفسه بعد كده هيسمع كلامي لأنه بقى عنده القدرة على الطاعة
النقطة التانية هي قدرة الطفل على طاعة الاوامر و تنفيذها
الجزء المسئول في المخ عن التحكم في التصرفات في الطفل الصغير بيكون غير مكتمل و كل ما الطفل بيكبر بيكتسب قدرة اكبر على التحكم في تصرفاته
الطفل اه ممكن يكون فاهم الامر الي بيتوجهله..بس مش قادر ينفذه
هو مش بيستعبط ولا حاجة..هو بس مش قادر ينفذه لان الدافع الي جواه اكبر من قدرته على التحكم في تصرفاته
ممكن ينجح مرة و يفدر يسمع الكلام..و ممكن يفشل مرات
بعد الرغي ده كله ..ايه الحل في المشكلة دي ؟
1- تفهم طبيعة العمر و المرحلة دي عند الطفل و تقبلها
2-نقلل من استخدام كلمة لا..و منقولهاش الا للضرورة و نكون فعلا قادرين ننفذها و منرجعش فيها
3-ندي الطفل اختيارات علشان يحس ان هو صاحب القرار .
مثال : تاكلي زبادي و لا جبنة
تلبسي البنطلون ولا الجيب
4-اذا اضطرينا نجبر الطفل على حاجة زي الدواء مثلا لازم نشرح له الاسباب و نعتذر له على اننا اجبرناه على حاجة هو مش عاوزها..بس احنا مضطرين زيه..و ده مهما كان الطفل سنه صغير ..هو هيفهمك
5-نخلي الطفل يشارك في العمل الي بنطلبه منه ده هيحسسه باستقلاليته و هيقل العند
مثال : هاتي البامبرز من الدرج علشان نغير
هاتي الطبق من الدرج علشان ناكل
نصيحة اخيرة ..مفيش عند من طرف واحد ..متديش فرصة للطفل يعند معاكي...متخليهوش يتعود على الصفة دي علشان ممكن تبقى عادة عنده و يفضل يرفض كل حاجة تطلبيها منه
ساعديه يحقق ارادته..علشان يقدر يحقق ارادتك
#المشكلة_فينا_مش_فيهم
العند ...رابع مشكلة بنواجهها مع الاطفال بعد السنة الأولى من عمرهم
في الغالب بتبدأ في عمر سنتين بس في اطفال بتبدأ بدري شوية ..من بعد ما يتموا السنة
كل حاجة بنقولهالهم بيرفضوها
يلا ناكل ..لا
تعالى اغيرلك ..لا
متمسكش الحاجة دي...لا
سواء لا اتقالت بالكلام..او بالاشارة ..او ان الطفل ينفذ الي في دماغه
رد الفعل من كتير من الناس بيكون كالآتي :
ده فاهم كل حاجة بس بيستعبط
لازم ازعقله علشان يتعلم يسمع الكلام
و في ناس بتوصل انها تضرب اطفال عمرها سنة و سنتين علشان مبيسمعوش الكلام
و نفضل في نفس الحلقة المفرغة من الزعيق و العند و الضرب و هكذا
بداية لازم نفهم ليه احنا بنفتكر الطفل بيعند ؟
أول حاجة هو الطفل مش بيعند ولا حاجة ..هو بس بيسعى للحصول على استقلاله
الطفل بدأ يحس انه انسان مكتمل له اراده و له شخصية...يبقى لازم يحقق الحاجة الي هو عاوزها و محدش يفرض سيطرته عليه
في كتاب ماريا منتسوري العقل المستوعب ذكرت إن أول مستوى من مستويات الطاعة للطفل هو الاستقلال!
بشكل مبسط الطاعة دي قرار الانسان بياخده...يعني انا هاقرر اني اسمع كلام فلان او اقرر اني مسمعش كلامه
و علشان يكون ليا حق اخذ القرار يبقى أنا انسانة مستقلة
نفس الكلام بالنسبة للطفل...لازم الاول يمر بمرحلة الاستقلال علشان يوصل لمرحلة الطاعة
لو انا ساعدت الطفل يكون مستقل و يحقق ارادته..هو من نفسه بعد كده هيسمع كلامي لأنه بقى عنده القدرة على الطاعة
النقطة التانية هي قدرة الطفل على طاعة الاوامر و تنفيذها
الجزء المسئول في المخ عن التحكم في التصرفات في الطفل الصغير بيكون غير مكتمل و كل ما الطفل بيكبر بيكتسب قدرة اكبر على التحكم في تصرفاته
الطفل اه ممكن يكون فاهم الامر الي بيتوجهله..بس مش قادر ينفذه
هو مش بيستعبط ولا حاجة..هو بس مش قادر ينفذه لان الدافع الي جواه اكبر من قدرته على التحكم في تصرفاته
ممكن ينجح مرة و يفدر يسمع الكلام..و ممكن يفشل مرات
بعد الرغي ده كله ..ايه الحل في المشكلة دي ؟
1- تفهم طبيعة العمر و المرحلة دي عند الطفل و تقبلها
2-نقلل من استخدام كلمة لا..و منقولهاش الا للضرورة و نكون فعلا قادرين ننفذها و منرجعش فيها
3-ندي الطفل اختيارات علشان يحس ان هو صاحب القرار .
مثال : تاكلي زبادي و لا جبنة
تلبسي البنطلون ولا الجيب
4-اذا اضطرينا نجبر الطفل على حاجة زي الدواء مثلا لازم نشرح له الاسباب و نعتذر له على اننا اجبرناه على حاجة هو مش عاوزها..بس احنا مضطرين زيه..و ده مهما كان الطفل سنه صغير ..هو هيفهمك
5-نخلي الطفل يشارك في العمل الي بنطلبه منه ده هيحسسه باستقلاليته و هيقل العند
مثال : هاتي البامبرز من الدرج علشان نغير
هاتي الطبق من الدرج علشان ناكل
نصيحة اخيرة ..مفيش عند من طرف واحد ..متديش فرصة للطفل يعند معاكي...متخليهوش يتعود على الصفة دي علشان ممكن تبقى عادة عنده و يفضل يرفض كل حاجة تطلبيها منه
ساعديه يحقق ارادته..علشان يقدر يحقق ارادتك
#المشكلة_فينا_مش_فيهم
زوجة وأم وصيدلانية مهتمه بالتربيةوالتعليم بنظام منتسوري .. ، ، ،
